Cada rúa do bairro de Alfama, cada café e cada livraría do Chiado, cada eléctrico que percorría as pedrosas costas do Bairro Alto, o cheiro do sal na foz do río Tejo… facían dos meus olhos un gran lenzo de sensacións e sentimentos.

“Lisboa, luz do río Tejo onde durmen as noites,

descansa entre as tascas de estreitas rúas a túa alma de fado,

mentres, as pombas, choran no alto do Castelo

e agardan a chegada da manhancinha onde virá a primaveira

prendida dalgún eléctrico de última hora.

Lisboa, onde o sangue da terra trócase en vinho,

sempre terás algo que amosar ao perdido viaxeiro

que percorra en silencio as túas prazas e os teus becos

na procura das respostas que enchen o seu corazón.”

Alberte Fernández Marinho

]]> http://otranochesindormir.wordpress.com/2009/04/13/lisboafina/feed/ 0 elsonhador foto-alfama-retoque-3 praca-do-rossio-modificada http://otranochesindormir.wordpress.com/2009/04/09/quarto-dia-e-derradeiro-alfama-e-se-de-lisboa/ http://otranochesindormir.wordpress.com/2009/04/09/quarto-dia-e-derradeiro-alfama-e-se-de-lisboa/#comments Thu, 09 Apr 2009 15:31:49 +0000 elsonhador http://otranochesindormir.wordpress.com/?p=144 ]]> Rematou a minha viaxe a Lisboa e manhá A e máis eu voltaremos as nosas casas. O día de hoxe, a verdade, é que foi moi tranquilo. Como ben sabedes, o noso horario ao longo distes días foi sempre o mesmo: ás 8.30 en pé, ás 9.00 almorzo e ás 9.30 na rúa p´ra comezar a percorrer a cidade na procura de conhecementos e aventuras.

O primeiro lugar ao que decidimos voltar foi a Alfama, xusto na ladeira do Castelo de São Jorge. Para chegar ata o Bairro de Alfama tivemos que seguir as indicacións á Sé de Lisboa. A Sé de Lisboa é unha preciosa catedral que fica na entrada a dito bairro. A primeira vez que entramos acababa de comezar a misa e tivemos que agardar preto dunha hora máis ou menos ata que puidemos caminhar polo seu interior sen os asistentes ao oficio relixioso.

Despois colhimos a rúa paralela á Catedral e caminhamos sen rumbo. Pasear por Alfama require ter fe. Fe nas nosas pegadas de aventureiros, require unha concentración moi elevada p´ra poder desfrutar dos seus estreitos carreiros que nos guían a prazas sen saída ou a altas escaleiras. As casas baixas de dúas prantas totalmente encaladas, os telhados desnivelados, o fermoso Río Tejo ao seu carón…

E iste foi o resumo da nosa derradeira xornada na capital lusa. Penso que, de teres a oportunidade, voltarei pronto a esta maravilhoso lugar.

Unha aperta moi forte!

]]> http://otranochesindormir.wordpress.com/2009/04/09/quarto-dia-e-derradeiro-alfama-e-se-de-lisboa/feed/ 0 elsonhador http://otranochesindormir.wordpress.com/2009/04/08/terceiro-dia-padrao-dos-descobrimentos-torre-de-belem-e-mosteiro-dos-jeronimos/ http://otranochesindormir.wordpress.com/2009/04/08/terceiro-dia-padrao-dos-descobrimentos-torre-de-belem-e-mosteiro-dos-jeronimos/#comments Wed, 08 Apr 2009 15:47:43 +0000 elsonhador http://otranochesindormir.wordpress.com/?p=140 ]]> Quarta-feira na fermosa cidade lusa de Lisboa. Son as 16.20 hora local (17.20 para os que residides no territorio espanhol) e, mentres A descansa, eu aproveito p`ra contarvos o que fixemos esta manhá.

Erguímonos ás 8.30 e, tras unha agradavel ducha, baixamos ao pequeno-almoço. Durante o transcurso do mesmo conhecimos a unha rapaza mexicana que vinha dende Porto e que estaba de paso pola cidade. Mantivemos unha charla moi interesante e mesmo me dixo que estivera en Santiago comendo polbo.

Unha vez rematado o pequeno-almoço decidimos baixar a percorrer as rúas. O destino de hoxe era ver o Padrão dos Descobrimentos, a Torre de Belém e o Mosteiro dos Jerónimos. Os tres elementos atópanse a escasos metros de distancia. O prezo por subir ao Padrão dos Descobrimentos foi de 1,50 € por termos a tarxeta de estudantes. Logo a Torre de Belén e o Mosteiro dos Jerónimos foron de balde grazas a que tínhamos a Lisboa Card.

Debo salientar para os futuros visitantes da capital lusa de que hai bastante distancia entre o Chiado (zona centro) ata Belém. Podedes ir caminhado máis se o facedes ao final remataredes tan cansos coma nós. A volta ao centro a podedes facer nos buses que paran xusto diante do mosteiro. Nós colhimos o 714 e nos levou ata a Praça da Figueira.

Unha anécdota que debo contar foi que hoxe, mentres facía cola pra entrar a ver o Mosteiro, un home portugés que “vendía gafas” achegóuseme e preguntoume se era da Galiza. Díxome que o notara no meu acento e na prolongación da “s”. Aconselhume que falase galego cos seus compatriotas porque comprenderían melhor. Tamén me ofreceu marihuana (4 veces en 3 días). A verdade é que foi cortés en todo momento e non insistíu p`ra nada.

Agardo que vos gosten as minhas aventuras polo mundo adiante. Outro conselho é que, sempre que viaxedes, caminhedes e vos afastedes dos buses guiados ou das rutas xa planificadas. Aos viaxeiros de verdade góstalhes sentir o asfalto baixo os seus pés.

Muito obrigado pola vosa lectura. Deica manhá!

O día de hoxe comezou ás 8.30 da manhá cunha boa ducha no cuarto de banho compartido do hotel e o posterior pequeno-almoço cos nosos vicinhos portugueses, alemáns, franceses, asiáticos, espanhois e sudamericanos.

Depois puxemos rumbo ao Bairro do Castelo que fica na colina máis alta e dende onde podemos ver unha fermosa panorámica de toda a cidade. Este castelo ten séculos de historia e remóntase á época das loitas entre cristiáns e árabes pola hexemonía dentro da Península Ibérica. A entrada custa 5 euros por persoa e recomendo que vaiades a primeira hora da manhá posto que é un dos lugares máis visitados.

En Portugal ríxense polo horario europeo. Isto quere dicir que todas as comidas son entre as 12.00 e as 15.00 da tarde. Como cando abandoamos o Castelo de São Jorge eran preto das 12.45 decidimos buscar un lugar onde xantar. Finalmente atopamos o restaurante Frai Papinhas no Bairro de Alfama e comimos unhas boas sardinhas assadas con batatas e salada. “Tudo moi bom” como dirían os meus irmãos portugueses.

Alfama é como voltar ao pasado. Rúas estreitas onde non pode pasar un carro e o eléctrico á vez, roupa tendida de lado a lado da rúa, pequenas pasaxes que axundan a atallar entre un punto e outro… Un pequeno povo dentro dunha capital europea.

Ás 15.00 da tarde decidimos voltar ao Lisbon Lounge Hostel p`ra descansar e reponher forzas. E así foi ata as 16.30 que baixamos de novo ao Chiado pra subir ao Elevador de Santa Justa. O prezo por persoa é de 2,80 e son viaxe ida e viaxe volta. As vistas dende dito elevador tamén son impresionantes máis o melhor de todo é que, ao subires, o viaxeiro atopa o fermoso Convento do Carmo (prezo coa Lisboa Card é de 2 euros por persoa).

Tamén aproveitamos dita visita ao Convento p`ra tomar algo nunha leiteria que se atopa na praza que hai xusto diante. Eu aproveitei p`ra probar a cerveja Super Bock. Fíxoseme máis suave que a nosa Estrela Galiza pero non estivo nada mal.

Unha vez que rematamos a nosa visita voltamos a baixar polo Elevador de Santa Justa e entramos na FNAC do Centro Comercial do Chiado. Debo reconhecer que sempre tenho a costumbre de expandir os meus conhecementos culturáis buscando pezas que non poda atopar na Galiza. Preto dunha hora estivemos A e máis eu percorrendo os corredores na procura de algo de música rock de Portugal. Ao final atopei o grupo Tara Perdida.

E iste foi o noso segundo día na outra beira do río Minho. Un saudo e ata manhá!

Despois de varias horas colhendo voos xa estou na fermosa terra de Portugal. O día é nubrado e a temperatura é de 19º. Nada máis sair da terminal de chegadas diríxome ao posto de información turística. O prezo da Lisboa Card por 72 horas é de 33,50 por persoa. A rapaza que nos atendeu non foi moi cordial pero iso non fixo que decaeran as minhas ganas por conhecer aos meus irmaos lisboetas.

Unha vez abandoamos o aeroporto atopamos tres paradas diferentes de bus. A primeira (comezando pola esquerda) é do aerobús que nos leva á Praza Espanha. A segunda (continuando de esquerda a dereita) é a do aerobús que conecta o citado aeroporto co centro de Lisboa: Rossio. A terceira parada, xa para xente experimentada, conectanos con diferentes puntos da cidade lusa. O prezo do aerobús ao centro da cidade é de 1,40 por persoa co bono desconto que ven no librinho da Lisboa Card.

Lisboa non semella ser unha cidade demasiado grande. Polo menos isa foi a impresión que nos deu á hora do traxecto no aerobús. Penso que non tardamos máis de 15 minutos en ir dende o citado aeroporto ata o centro neurálxico do Rossio.

Son as 14.15 da tarde. Aínda non xantamos, estamos cansos da viaxe e agora, para rematar a xogada, comeza un pequeno calabobos a facer das súas. Un home achégase a min e, en voz baixa e sacando algo do peto, di: “Interésache hachís?” A minha resposta foi contundente: “Non”. A verdade, e aquí debo e quero matizar, é que, nunhas horas que levo de visita, ofrecéronme droga polo menos tres veces. O curioso do asunto é que hai policías en cada esquinha.

O Lisbon Lounge Hostel fica na Rúa do Crucifixo, paralela a Rúa Aurea e ao carón do Elevador de Santa Justa.  Xusto no corazón do bairro do Chiado. Debo dicir a toda a xente que segue as minhas andanzas que, se algún día desexan vir a Lisboa, non dubiden en hospedarse eiquí. O trato do persoal, a comida, o ambiente e o estado artístico do inmoble fan que gocemos da viaxe ao cento por cento.

Son as doce da noite na outra marxe do Minho. Manhá faremos unha boa visita pola capital e a verdade é que, tanto A coma eu, estamos verdadeiramente agotados.

Boa noite e doces sonhos.

]]> http://otranochesindormir.wordpress.com/2009/04/06/dia-primeiro-a-chegada/feed/ 0 elsonhador http://otranochesindormir.wordpress.com/2009/03/19/lonely-planet-magazine/ http://otranochesindormir.wordpress.com/2009/03/19/lonely-planet-magazine/#comments Thu, 19 Mar 2009 21:24:28 +0000 elsonhador http://otranochesindormir.wordpress.com/?p=115 ]]> Aínda non marchéi a Portugal e xa estou preparando a miña seguinte aventura ás Terras de Éire. A verdade é que, como galego que son, non podo deixar de imaxinar o que será camiñar ao carón dos cantís de Moher, tomar unha cervexa nalgunha taberna de Dingle mentres escoito aos nativos falar en gaélico, visitar a Long Room do Trinity College ou achegarme ao dolmen de Poulnabrone.

Hoxe veño recomendarvos unha revista que me sorprendeu pra ben. Chámase Lonely Planet Magazin e cada número o enfocan a un lugar concreto. Desta vez falan sobor Éire (Irlanda). Penso que todo viaxeiro debería botarlle unha ollada a algún dos seus números.  O prezo é de 5,95 euros.

Estacións do Ano

• Primaveira: Primavera
• Verán: Verão
• Outono: Outono
• Inverno: Inverno

Meses do Ano

• Xaneiro: Janeiro
• Febreiro: Fevereiro
• Marzo: MarÇo
• Abril: Abril
• Maio: Maio
• Xuño: Junho
• Xullo: Julho
• Agosto: Agosto
• Setembro: Setembro
• Outubro: Outubro
• Novembro: Novembro
• Decembro: Decembro

Os Números

• 0 : Cero
• 1 : um/uma
• 2 : dois/duas
• 3 : três
• 4 : quatro
• 5 : cinco
• 6 : seis
• 7 : sete
• 8 : oito
• 9 : nove
• 10 : dez
• 20 : vinte
• 21 : vinte e um
• 100 : cem
• 500 : quinhentos
• 1.000 : mil
• 10.000 : dez mil
• 100.000 : cem mil
• 1.000.000 : um milhão

Hoteis

• Almofada: Almofada
• Almorzo: AlmoÇo
• Cea: Jantar
• Comedor: Sala de Jantar
• Almorzo (mañá): Pequeno-almoÇo
• Cuarto: Quarto
• Cobertor (Manta): Cobertor
• Andar: Andar
• Toalla: Toalla

Días da semana

• Luns: Segunda-Feira
• Martes: TerÇa-Feira
• Mércores: Quarta-Feira
• Xoves: Quinta-Feira
• Venres: Sexta-Feira
• Sábado: Sábado
• Domingo: Domingo

Transportes

• Abono de transportes: Bilhete / Pase
• Beirarrúa: Passeio
• Adiantar: Ultrapassar
• Plataforma tren: Gare
• Ascensor: Elevador
• Retención de carros: Engarrafamento
• Autobús: Autocarro
• Autoestrada: Autoestrada
• Autovía: Via rápida
• Avión: AviaÇão
• Carné de conducir: Carta de conduÇão
• Estrada: Estrada
• Estación: EstaÇão
• Gasolineira: Bomba de gasolina
• Chegada: Chegada
• Peirao: Cais
• Parada: Pasagem
• Peaxe: Portagem
• Permiso de circulación: Livrete
• Póliza de Seguros: Apólice de seguros
• Ponte: ponte
• Saída: Partida / Saída
• Tráfico: Trânsito
• Tranvía: Eléctrico
• Tren: Comboio
• Vía de servizo: EstaÇão de ServiÇo

Diñeiro

• Billete: Nota
• Caixeiro: Caixa automática / Multibanco
• Trocar: trocar
• Troco: Câmbio / troco
• Moeda: Moeda
• Sacar diñeiro: levantar dinheiro
• Tarxeta: Cartão

“Pouco importa non saber orientarse na cidade. Pero perderse nela, como quen se perde no bosque, require unha aprendizaxe. Os letreiros das rúas deben soarlle ao camiñante como polas secas que cruxen ao seu paso, e os quinteiros dos bairros céntricos sinalarán as horas con igual claridade que os vals do monte”.

Walter Benjamin,

Infancia berlinesa, 1932.